54              TESTAMENTS ENREGISTRÉS AU PARLEMENT DE PARIS          (294)
Item, je veulx et ordene que la dicte chapelle soit à ma presenta-cion, de mes hoirs, successeurs et ayans cause.
Item, je laisse à la Grant Gonfrarie de Paris cent frans d'or.
Item, je laisse aux escoliers des Choies de Paris, pour augmentacion de leurs bourses, mil frans dor, pour emploier en heritage pour le dit college, ou cas toutevoies que, à mon vivant, je ne leur auroie acquis des heritages jusques à la valeur de la dicte somme ou plus grant.
Item, je laisse à chascun des enfans de maistre Pierre de la Mote qui sont nez depuis que je feis mon dit testament, k somme de cent frans d'or, et à chascun de ceulx qui naistront d'ores en avant, et qui seront en vie au jour de mon trespassement, cent frans d'or.
Item, je laisse à Colin le Seellier, à sa femme et enfans la somme de deux cens frans d'or.
Item, je laisse à Johannin Chevalier quarante frans par dessus les vint frans que je lui ay laissiez en mon dit testament.
Item, je veulz et ordene que ce que j'ay ordené par mon dit testa­ment pour maistre Philippe de Corbie, mon filz naturel, il ait et tiegne par maniere de lays et de don d'aumosne, et non pas par maniere d'orrie ou de succession-Item, combien que par mon dit testament j'aye ordené, que ou cas que le dit maistre Philippe n'auroit hoirs legitimes de son corps pro­créez en loyal mariage, que des biens que je lui ay ordenez par mon dit testament ii puisse ordener, pour le salut de son ame, jusques à ia valeur de mil livres Parisis, neantmoins par ce present codicille je veulz et ordene qu'il en puist ordener jusques à deux mil livres Pa­risis, ainsi qu'il verra à faire pour le mieulx, selon sa conscience.
Item, je veulx et ordene que au demourant mon dit testament tien-gne et vaille selon sa forme et teneur, sans y faire mutacion aucune.
Item, je ordene mes executeurs, avec ceulx qui sont nommez en mon dit testament, mes bons amis, maistre Symon Nanterre, conseiller du roy nostre seigneur, et maistre Henry Maubué, audiencier du dit seigneur. Et veulz et ordene qu'ilz aient tele et aussi grant puissance